ЭАУда 8-МАРТ – АЯЛДАРДЫН ЭЛ АРАЛЫК КҮНҮНӨ КАРАТА “ЭАУнун АЖАРЛУУ КЫЗДАРЫ” АТТУУ ТАМАША ФЕСТИВАЛЫ ӨТКӨРҮЛДҮ
Үстүбүздөгү жылдын 5-мартында К.Ш. Токтомаматов атындагы Эл аралык университетте (ЭАУ, Манас шаары) 8-март – Аялдардын эл аралык күнүнө карата “ЭАУнун ажарлуу кыздары” аттуу тамаша фестивалы өткөрүлдү. Фестивалды ЭАУнун Маданий-эстетикалык борбору жана Жаштар иштери боюнча комититет, институттардын жана колледждердин дирекциялары уюштурушту. Фестиваль алкагында көптөгөн шаңдуу ырлар, көз жоосун алган бийлер, оюн-тамашалар, креативдүү саркеч кийимдерди көрсөтүүлөр тартууланып, айымдарга арналган куттуктоолор айтылды. Окуу жайдын ректору, экономика илимдеринин доктору, профессор Айжамал Кантөрөева майрамдык фестиваль абдан шаңдуу, кызыктуу болгонун белгилеп, аял затына айтылган бардык куттуктоолор үчүн терең ыраазычылык билдирди. Аталган фестивалга ЭАУнун бөлүмдөрүнөн төмөнкү студенттик командалар катышышты: Үзгүлтүксүз ачык билим берүү институтунан — “Эдельвейс”, Эл аралык Кыргыз-Түрк институтунан “Гүл бийкечтер”, Гуманитардык-экономикалык колледжден “Нур”, Эл аралык медициналык колледжден “Күчтүү жүрөк”, Эл аралык Кыргы-Түрк колледжден “Нур-көкжал” командалары. Фестивалдын соңунда профессор-окутуучулар курамы, студенттер дүркүрөтүп кол чабышып, чыныгы майрамдык маанайда калышты. Ал эми жогоруда аталган студенттик командалар фестивалга жигердүү катышкандыгы үчүн ректорат тарабынан атайын сыйлык дипломдору, акчалай сыйлыктар менен сыйланышты. К.Ш. Токтомаматов атындагы Эл аралык университетте жыл сайын ушундай майрамдык иш-чаралар дембе-дем өткөрүлүп, окуу жараяны менен бирге студенттик турмуштун кызыктуулугун арттырышат.
ЭАУнун Кесиптик багыт берүү & коомчулук менен байланыштар кызматы
