Хурибаева Элмира Гайдаровна
Должность: Зав.кафедрой международных отношений и общетеоретических дисциплин
Образование: Бишкекский гуманитарный университет 2000г.
Ученая степень: профессор., к.ф.н.
Кафедра 2013-жылдын сентябрь айынан баштап ушул аталыш менен иштеп келет. Кафедрада эки адистик боюнча студенттер даярдалат. Алар: Эл аралык мамилелер жана филология (кыргыз-түрк тилдеринин мугалими). Буга чейин эки адистик эки башка кафедрада иш жүргүзүп келген.
Жалпы теориялык жана гуманитардык илимдер кафедрасы Университеттин ректорунун 14-сентябрь 2002-жылдагы №14 “Кыргыз-Түрк” менеджмент факультетинде кафедраларды уюштуруу” буйругунун негизинде уюштурулган.
Ал эми Эл аралык мамилелер кафедрасы 14-сентябрь 2002-жылы ЖАКИнин ректорунун №19 буйругу менен кайрадан уюшулган. Ага чейин бул кафедра Кыргыз-Түрк менеджмент факультетинин менеджмент кафедрасында 1992- жылдан бери өз ишин жүргүзүп келген. Кафедра университеттин алгачкы кафедраларынан болуп саналат.
Кафедра кыргыз, түрк, англис тилдери жана гуманитардык, табигый илимдер сабактарын окутууга негизделген. Кафедранын окутуучулары кыргыз, түрк, англис тилдерин тереңдетип окутуунун эң алдыңкы усулдарын колдонуу менен окутушуп, студенттерди тил үйрөтүүгө, сабаттуу жазууга, сүйлөөгө жана пикир алышууга үйрөтүүгө зор маани беришет. Ошону менен катар филологиялык билим берүү жана эл аралык мамилелер адистиктеринин адис сабактарын окутат.
Мындан тышкары кафедра мүчөлөрү илимий-усулдук иштер менен алектенишип дайыма кафедрада, факультетте өз иштерин жарыялап турушат.
Ушул күнгө чейин кафедраларды төмөнкү мугалимдер башкарып келишкен.
Түркия тараптан 2002-2004 окуу жылдары аспирант окутуучу Йасын Шерифоглу, 2004-2005 окуу жылында филология илиминин доктору Мустафа Окан Баба, 2005-2006 окуу жылында кафедранын окутуучусу Угур Солдан, 2006-2007 окуу жылында доцент Исмаил Улуташ, 2007-2008 окуу жылында профессор Мустафа Демирел, 2008-2009 окуу жылында ф.и.к. Ш.Балтажыоглу, 2009-2010 окуу жылында кафедранын окутуучусу Рамазан Сарыгун, 2010-2011 окуу жылында кафедранын окутуучусу Али Шахиноглу, 2011-2012 окуу жылында доцент Исмаил Улуташ жетектеген, 2012-2013 окуу жылында ф.и.к. Мехмет Киремит жетектешкен. Кафедра 520300 коду менен “Филологиялык билим берүү” адистиги кыргыз тили, адабияты жана түрк тили, адабияты окутуучуларын даярдайт.
Ал эми эл аралык мамилелер кафедрасын алгачкы жылдарда Али Кемаль Сайын, Атилла Доган ж.б. башкарса, 2011-2012 окуу жылында доктор Тунжай Өздемир, 2012-2013-окуу жылы кафедра башчысынын милдетин Умаров Алымкул жетектеп келген. Кафедра 620001 коду менен «Эл аралык мамилелер» эл аралык экономикалык байланыштар боюнча адистерди даярдайт.
Адистиктер боюнча бүтүрүүчү кафедра катары эсептелет. Кафедра учурда 14 штаттык, 4 айкалыштыргыч окутуучулар жана 1 лобарант менен иш алып барат. 550300 коду менен “ Филологиялык билим берүү” бөлүмү, 530800 коду менен “ Эл аралык мамилелер” бөлүмү адистиктерди даярдайт. 2013-жылдан бери кафедраны ф.и.к., профессор Э.Г. Хурибаева жетектеп келе жатат.
Преподаватели кафедры
